Vetëm një rast i ri me COVID, është shënuar në 24 orët e fundit në vendin tonë, përkatësisht në Tiranë nga 101 testime të kryera në total.
Fatmirësisht, nuk është regjistruar asnjë humbje jete, ndërsa janë 162 qytetarë aktivë me Covid19 në të gjithë vendin.
Aktualisht në spitalin COVID3 po marrin trajtim 1 pacientë. Janë shëruar 20 qytetarë gjatë 24 orëve të fundit, duke e çuar numrin e të shëruarve në 328,621 që nga fillimi i epidemisë.
“Ministria e Shëndetësisë dhe Mbrojtjes Sociale i bën thirrje qytetarëve të mos neglizhojnë vaksinimin anticovid dhe vaksinimin kundër gripit, për të forcuar mbrojtjen ndaj viruseve gjatë sezonit të dimrit.
Vaksinimi anticovid dhe i gripit kryhet në qendrat shëndetësore në të gjithë vendin. Vaksinat reduktojnë mundësitë e infektimit dhe shmangin në shkallë të lartë hospitalizimet dhe fatalitetet”, apelon Ministria e Shëndetësisë.
Statistika ( 9 Dhjetor 2022)
Raste të reja ditore 1
Të shëruar në 24 orë 20
Të shtruar në spitale 1
Humbje jete në 24 orë 0
Testime ditore 101
Testime totale 2,012,211
Raste pozitive 332,377
Raste të shëruara 328,621
Raste Aktive 162
Humbje jete 3,594
Shpërndarja gjeografike e rasteve aktive sipas qarqeve:
Tiranë 108
Vlorë 17
Fier 11
Gjirokastër 8
Shkodër 5
Berat. 5
Durrës. 3
Lezhë. 2
Elbasan. 2
Korçë. 1
